好多場景或店舖出現於電影之後，都會成為旅遊熱點，或吸引更多客人幫襯。不過，凡事總有例外，好似喺日本經常被租用嚟拍AV嘅居酒屋同漢堡包店，就令到客人卻步嘞！
近幾年日本AV界為咗帶畀AV迷新鮮感，好多時都將拍攝場地由室內移師到室外不同地方，例如海灘、溫泉旅館，甚至公廁等，SOD更加特設「哈哈鏡一號」，安排男女優喺一架單面玻璃貨車當中交歡。
至於食店亦係經常拍攝AV嘅場地，好似AV廠IdeaPocket嘅《微醉Sex》系列就係講述女優去到居酒屋同男優進行激烈交歡，四圍更有食客旁觀。當然，呢班食客梗係臨記嚟啦，旨在搞吓氣氛。由於該系列每套作品都係喺同一間居酒屋拍攝，所以AV迷就發覺呢間居酒屋唔係廠景而係實景，後來得悉該居酒屋叫万喜，位於JR中野站北口位置。
除咗呢間經常變成AV戰場嘅居酒屋之外，仲有AV迷發現一間漢堡包店亦係拍攝AV嘅勝地。雖然呢間漢堡包店並冇公開店名，但係AV迷就透露佢亦係位於JR中野站附近，於上年推出嘅《接客中，一邊工作一邊面紅的交歡》就係喺呢間漢堡包店拍攝。
至於呢兩間食店被公開之後，係咪吸引多咗客人去幫襯呢？答案係相反，少咗客人幫襯至真，皆因唔少食客都表示知道食店係AV拍攝勝地之後覺得間店好污糟，仲話啲食具分分鐘會被女優嘅潮吹，又或者係男優嘅精華素「污染」，擔心事後會食物「中毒」喎，所以唔敢去幫襯！
撰文：賢