睇小電影無非都係為咗尋開心，不過，大家又有冇諗過，業界嘅演員以至幕後工作人員，背後埋藏咗幾多辛酸呢？1997年嘅荷里活情色電影《一舉成名》，就話畀大家知當中嘅甘與苦喇！
《一》片故事講述夜總會廚房工人安迪（麥克華堡飾演），某日畀鹹片導演睇中，除咗因為佢青靚白淨，身材又夠健壯之外，最重要係佢天賦異稟，胯下嘅好兄弟長達13吋！果然，憑住呢個驚天地泣鬼神嘅過人之處，瞬間成為鹹片界明星，被人稱為「大炮王迪哥」。安迪唔單只名成利就，仲從拍電影過程中，認識到唔少人，包括中學時期已經輟學轉拍鹹片嘅反叛美少女（茱莉亞摩亞飾演）、為咗繼續拍鹹片尋回昔日光輝嘅褪色鹹片女王（希芙嘉咸飾演）、堅決反對將鹹片製成錄影帶嘅導演。大家雖然各有稜角，但係相處卻好似一家人一樣。不過，好景不常，安迪染上唔少壞習慣，之後變得愈來愈難相處，更加同導演鬧翻，而撞啱導演要尋求新拍攝路向而轉用新人，令安迪頓失首席鹹片男星地位。窮困潦倒嘅安迪最後淪落到做騙徒以及打劫維生，不過佢仲係記住一句說話，就係「每個人自己都有一項特殊才能」。
《一舉成名》其實係用真實鹹片男星John Holmes嘅經歷改編，暴露咗鹹片業界人員嘅辛酸，可以當成一套紀錄片嚟睇，但係男女主角嘅演繹卻令作品極具娛樂性。演反叛少女嘅希芙嘉咸當時青春活潑，剝光豬之後露出胸前一對豪乳實在誘人，而扮演鹹片女王嘅茱莉亞摩亞更加搶鏡，其中有一幕由佢帶領安迪進行拍攝，期間佢熟練咁將鹹片女星嘅動態充分演繹，例如剝衫之後解開束起嘅頭髮，再稍稍屈膝為男主角除褲，種種動作相信睇慣鹹片嘅朋友一定唔會陌生，加上茱莉亞摩亞傾情露點演出，真係誘人至極！
撰文：賢