模特兒界嘅囡囡乜嘢頭銜都有，最長腿、超巨乳等，但被喻為「最玉潔冰清」嘅真係聞所未聞。呢位嚟自重慶嘅萬曦媛，睇照片張張火辣，但骨子裏清雅端莊，文靜可人。
萬曦媛大約四年前出道，起初冇簽乜嘢經理人公司，自己由老家南下發展，拍咗好多時裝照，憑其清麗脫俗嘅樣子，深受網友嘅歡迎，後嚟簽約某大經理人公司，令佢嘅事業再上高峰，先後接咗多個古裝網絡遊戲嘅代言，由於以古典美人造型示人，令網友先入為主，因而稱之為「最玉潔冰清」嘅模特兒，但咪以為曦媛一臉典雅，就不拍性感寫真，佢拍嘅性感照數量都不少，而且毫不錫身，只要攝影師有要求，佢都會豁出去加倍完成，所以佢嘅寫真噴血度十足。
有記者問佢嘅擇偶條件？佢話好簡單，只要心地善良，脾氣好，有孝心同有內涵就夠，呢啲條件話易唔易，話難唔難。再問佢可唔可以簡化啲？佢就話最緊要有孝心。原來萬曦媛係獨生女，家中除咗父母，仲有爺爺嫲嫲，所以揀男朋友最緊要孝順，睇嚟佢自己就係個孝順女。曦媛出道多年，緋聞少之又少，除咗日常工作，平時好少曝光，得閒就會留喺屋企食吓嘢、瞓吓覺又一日。有網友擔心佢會唔會變成「宅女」？佢話咁都唔錯，好過做「豪放女」！曦媛真係圈中少見嘅乖乖女，希望佢星途燦爛！
出生地：重慶涪陵
三圍：33-24-35
身高：165cm
簡介：在萬曦媛嘅官網內，有不少佢嘅精彩寫真，每張都係精選，性感之餘不失藝術美，所以絕對值得大家一睇再睇。
網站：www.moko.cc/eunhyo
撰文：龍四海