日本藝人近年開始打入內地市場，好似AV天后蒼井空咁，喺內地發展如魚得水。不過，空姐嘅地位將會受到威脅，皆因混血兒水蘿拉大受內地粉絲歡迎，隨時爬佢頭。
日本AV界嘅混血女優一向都能夠吸引到廣大AV迷注意，而佢哋嘅名氣好多都可以伸延到亞洲地區，好似小澤瑪莉亞就係最佳例子。不過，瑪莉亞由於撈味太重，拍片又重口味，所以未被保守嘅內地粉絲接受，反而俄羅斯與日本混血兒水咲蘿拉則成功打入內地市場！
阿妹原名瀧澤蘿拉，由於佢美艷又可愛，仲有一種清新脫俗嘅感覺，所以被其專屬AV廠稱為「白色妖精」，佢嘅出現唔單止令日本AV迷大為注目，更加吸引到內地粉絲注意，成為內地新一代宅男女神，人氣之強更加令蘿拉成為「2012百度十大風雲人物」之一！
蘿拉知道自己喺內地人氣強勁，所以亦學師姐蒼井空開微博，同內地粉絲溝通一下。早前，內地爆出校長侵犯女學生事件，各界都相當關注，包括蒼井空同蘿拉。據講，兩人嘅微博差不多同時間上載咗1張照片，當中二人都手執一張橫額，上面寫住「校長：開房找我，放過小學生！」蘿拉呢張相喺兩日之內得到超過200萬點擊，數目稍稍多過空姐。事後，二人都表示張相畀內地網民改動過。然而，內地一份報章就指摘蘿拉藉機上位，又指蘿拉喺日本搵唔到食，所以至咁積極喺內地搞搞震惹起話題喎！而蘿拉嘅事務所近日就發聲明表示蘿拉對此事完全唔知情，叫內地報章咪再踩蘿拉咁話。
撰文：賢