早前喺英國倫敦同埋希臘嘅塞薩洛基亞兩個城市，舉行「裸騎為環保」嘅活動，出席者盡量唔着衫，然後喺城市內以腳踏車遊行，呼籲市民大眾少啲用石油能源，據講今次活動，兩個城市合共成千人參與，場面壯觀，數小時嘅路線，沿途都圍滿睇熱鬧嘅朋友，有網友話倫敦嘅裸體騎士，大多熟口熟面，可能呢度啲天體活動特別多，來來去去都係嗰幾十個天體分子，而且好多又老又肥，好在希臘嗰邊嘅參與者就夠晒年輕，當中不乏靚仔靚女，途人同網友都話睇得開心，所以話搞活動真係要睇埋整體配合至有效果。
撰文：小德
新聞報道係件好嚴肅嘅事，只係大家有冇諗過，直播間主持人背後嘅電視屏幕，竟然播緊鹹片呢？話說希臘國家電視台ET3喺上個月28日嘅新聞直播期間，背後嘅電視屏幕竟然播放四仔！主持人同控制室並冇發現呢個問題，只係顧住報道關於希臘公共廣播公司削減經費嘅新聞，殊不知觀眾嘅注意力卻集中喺背後嘅電視屏幕。呢個咁尷尬嘅畫面迅速喺社交媒體上引起熱議，而相關片段更被放上YouTube，並吸引過超過7萬次點擊率。究竟呢個火辣片段從何而來嘅呢？據稱屏幕上嘅性愛畫面，其實係ET3姊妹台ET1同一時段播放嘅影片，只係操作問題先至會引嚟笑話，全屬一次無心之失而已。
撰文：魂
如果男或女友問起你嘅性經驗有幾多次時，唔知大家會唔會將次數打個折頭，先至講出口呢？美國俄亥俄州立大學最近就針對性經驗次數謊報嘅問題，對200多名18至25歲嘅大學生進行問卷調查，而喺佢哋填寫124項問題嘅問卷同時，身上仲會裝上測謊器，以檢測佢哋填寫答案時係咪真心。結果發現當受訪者喺填寫關於性行為次數時，不論男女都會謊報，男嘅鍾意增加次數，女嘅則會減少次數。對於呢個現象，研究人員Terri Fisher解釋雖然現今男女性關係比以前開放，但受制於傳統觀念，女性唔希望畀到人哋淫蕩嘅印象而減少性經驗嘅次數，至於男性則希望增加次數而凸顯自己嘅魅力。
撰文：魂
不論男女都想用最舒服嘅方法嚟達到減肥目的，而民間方法更係數之不盡。日本有男士就諗到自娛減肥法，咪以為呢個方法得啖笑，佢真係身體力行堅持咗兩個月，結果畀佢減到4公斤！據呢位身高165厘米，體重75公斤，今年28歲嘅文員伊藤雄一表示，眼見自己肥到超標，為咗減肥就上網搵方法，結果畀佢發現原來自娛所消耗嘅熱量跟跑200公尺一樣，從此開始咗兩個月嘅自娛減肥，每日自娛起碼3次，最高紀錄試過1日7次，經過兩個月後成功減咗4公斤。不過佢擔心會引嚟副作用，於是諮詢專科醫生，對方稱自娛冇可能減到咁多熱量，並會對精神健康帶嚟負面影響，因此雄一能減肥應非自娛之功喎！
撰文：魂