好多女仔都話男伴缺乏情趣，呢一點唔單只在於日常相處，上到床亦只係識單刀直入，完全唔願意做任何調情工夫。不過，女仔唔好怪佢哋，因為未必個個男人都曉得箇中精髓，至於從邊處取經好呢？1986年上映嘅經典情色電影《九個半星期》，絕對係不二之選，經典到往後好多電影都有向佢「致敬」！
《九》片故事講述伊莉莎伯（金碧辛嘉飾演）係一名剛剛離婚嘅畫廊助理，一次同朋友幫襯中國雜貨店嘅時候，遇上一位風度翩翩、英俊瀟灑嘅生意人約翰（米奇洛基飾演）。約翰追女技巧高超，對伊莉莎伯時而溫柔，又不時對佢作弄，將佢玩弄於股掌，令伊莉莎伯對佢完全心動，更樂意將身體奉獻畀佢。二人嘅性關係充滿刺激，原因係約翰極懂調情技巧，用口互餵食物、用冰粒摩擦身體、蒙眼進行交歡，甚至到鐘樓之上交歡等等，都令伊莉莎伯享受其中。
不過，伊莉莎伯後來發覺自己同約翰除咗性之外，彼此缺乏了解，而之後約翰更帶埋一名妓女返屋企，意圖同伊莉莎伯嚟個3P大混戰，伊莉莎伯頓時覺得自己只不過係約翰嘅發洩工具，同妓女根本冇分別，於是毅然抽身離開，結束呢段維持咗九個半星期嘅性關係。當年嘅金碧辛嘉魅力非凡，身材又火辣，於片中大玩濕身已經令人慾火高燒，加上各種調情場面，例如冰粒磨身，見住水分由冰粒溶化，流落佢曲線玲瓏嘅胴體更加令人心癢難當，難怪西片《反斗神鷹》亦重現此經典一幕。