港台兩地唔少童星，細個時好紅，長大後就漸漸被人遺忘，至於內地，原來只要保持曝光率，明星嘅光環就會歷久不衰，但當然還要自己不斷努力，好似今日要介紹，12歲就出道拍廣告嘅柳煒瑋。
嚟自山東濟南嘅柳煒瑋，自細就好喜歡表演，父母悉心栽培，課餘時參加大大小小嘅藝術班，所以能歌善舞，加上樣貌標致，12歲就被邀拍廣告，由於表現出色，好快就有劇組搵佢做小演員，雖然只係地方台嘅製作，但柳煒瑋都好用心去演，獲得不錯嘅評價。到18歲那年，更被山東藝術學院邀她當助教分享演藝心得，同年紀嘅學生，全都要聽呢位前輩教導，真係唔講得笑。2010年佢想考驗一下自己嘅實力，報名參加亞洲品牌小姐大賽，輕易獲得蒙古賽區最上鏡小姐嘅獎項，令佢信心十足，自此全力喺娛樂圈發展，且取得不俗嘅人氣。
近年除咗做模特兒同拍劇之外，更經常出席綜藝節目，由於柳煒瑋能言善道，每次表現都特別矚目，有人會質疑柳煒瑋係咪以性感形象博取觀眾注意呢？真係冤枉，柳煒瑋雖然擁有魔鬼身材，但佢好少喺節目上「賣大包」，每次衣服都十分端莊，頂多露少少事業線，性感得嚟一啲都唔過分，但換轉喺攝影室時，就會嚟個一百八十度轉變，演出一啲都唔錫身，而且仲會把34吋小饅頭弄出波濤「洶」湧嘅效果，所以柳煒瑋嘅寫真性感度特別高，唔少朋友睇到流晒鼻血。柳煒瑋十年努力嘅演藝經驗，並非浪得虛名，相信好快會走上大銀幕當主角。
出生地：山東濟南
三圍：34-24-34
身高：165cm
簡介：網頁內除咗有大量柳煒瑋（別名柳思貝）嘅精彩寫真外，仲有好多阿妹嘅自拍照，事業線又長又深，令人百看不厭。
網址：www.moko.cc/liuweiwei