有人話馬介休炒飯其實即係鹹魚炒飯，味道冇乜特別，只係斗膽講一句，講得出呢句說話嘅人一定未試過正宗嘅馬介休！馬介休同鹹魚唔同嘅地方，在於佢一定係用鱈魚以鹽醃製，味道既鹹且香又有魚鮮味。雖然馬介休有葡國鹹魚之稱，但絕大部分其實係嚟自挪威，皆因挪威係鱈魚主要出口國，佢哋會順道醃埋賣去葡萄牙。講到最著名嘅馬介休菜式，炒飯一定有份。好似呢碟馬介休炒飯咁，便以最為肥美嘅魚身肉炮製，肉厚兼惹味嘅鹹香，令人胃口大開之餘，配埋火腿絲同意大利黑橄欖，更具層次感。