大部分日本AV女優引退之後，都會淪為風俗娘，至於好似蒼井空咁可以成功轉型嘅少之又少，然而，一代性感尤物峰奈由果就成功變身為漫畫家，更加有力發圍，恭喜晒！
2005年對於AV迷嚟講，係一個充滿歡欣嘅日子，因為當時有H Cup巨乳女神麻美由真出道，為巨乳系帶來一股新氣象。其實除咗麻美之外，當年崛起嘅巨乳女神仲有一位，佢就係峰奈由果o架喇！阿妹同麻美一樣身懷一對重量級H奶，身上冇多餘脂肪，堪稱超絕品始祖，加上樣子綺麗迷人，難怪一直得到好多粉絲支持。而峰奈由果引退之後，曾經去過Red-Dragon客串做陪酒孃，但係好快佢就成功轉型做漫畫家，主打繪畫四格漫畫。
唔知係咪峰奈由果仍然對AV界依依不捨，佢畫嘅漫畫《唉呀爵士》不時以AV女優做主角，講吓女優點樣練習床上技巧，又或者講吓時下AV界嘅潮流動向等等。由於呢套漫畫嘅內容露骨兼出位，所以相當受人注目。據消息指出，有電視台欲將套漫畫拍成電視劇，於深夜時段播放，參與其中嘅峰奈由果就特別搵來近期最出位嘅水着女優壇蜜擔任女主角，貪佢乜都夠膽，如果呢套電視劇爆出高收視嘅話，峰奈由果肯定前途無限呀！
撰文：賢