日本嘅藝能人事務所為咗挑選出優質水着妹，除咗會同雜誌合作舉辦選美比賽，亦會從各行各業當中尋找目標人物，所以不難發現唔少水着妹，前職係OL或女侍應，好似瀧川綾咁仲係一位看護嚟添！
師傅教落，搵老婆唔使靚女同好身材，有一顆善良之心至係最緊要，故此女護士係甚佳選擇，徒弟我深深認同，好似日本AV天后蒼井空同小倉奈奈咁，佢哋拍AV之前就係從事看護工作喇。嫌佢哋拍脫戲唔出得大場面？人氣水着女星瀧川綾都係一個看護嚟。26歲嘅綾妹樣子和善又綺麗，面孔仲泛出一股儒雅端莊，娶佢做老婆一定唔會失禮街坊。阿妹除咗貌美迷人，身材仲一等一咁好，5呎6吋高嘅佢，三圍有34D-24-34，美乳、纖腰、美尻同長腿都應有盡有，諗諗下如果娶佢做老婆都係博唔過，因為一定惹到大批狂蜂浪蝶，到時佢唔驚我驚。
由於瀧川綾咁索，所以喺做緊看護嘅時候畀星探發掘，展開其水着生涯。綾妹參加不同選美比賽都有獎落袋，好似ZAK THE QUEEN 2008以及少年Jump Gravure Japan 2009嘅準最高獎，即係亞軍獎。另外，綾妹仲得過由日本知名體育用品品牌頒授扣殺女王名銜，原因係阿妹佢打籃球、羽毛球同排球都好叻。綾妹嘅人生似乎同波相當有緣，除咗鍾意打波，佢嘅一單緋聞都同波有關。早前，阿妹就畀人影到佢同遠藤保仁出雙入對，網上仲有幾張「極度親密」照片流出添，有睇日本足球嘅朋友應該知道，呢位遠藤保仁就係現役大阪飛腳嘅球員喇。
瀧川綾早前被人發現同球星遠藤保仁拍拖，至於家陣感情發展穩定定係無疾而終呢？大家不妨Click上佢個博客，睇吓有咩端倪。
網址：http://ameblo.jp/ayahare/
年齡：26歲
三圍：34D-24-34
身高：5呎6吋
撰文：賢