美國有個戲院清潔工，趁戲院晚上停業，搵咗一班老友，喺裏面做真人表演，而且仲公開售票，消息傳開後，警方當然做嘢，將一干人等繩之於法，而嚟自利澳水療嘅小樂，就話呢招有得諗喎！
小樂話：「能夠物盡其用，夠晒環保得嚟，又可以善用資源，如果將來我開店，都會咁做！」唔知小樂打算開乜嘢店呢？小樂話：「我呢啲瞓到日上三竿嘅人，正常日頭返工真係唔好預我，所以我會開間食消夜嘅舖頭，只做晚九朝五嘅生意，由於日頭唔做生意，所以我諗過唔使自己租舖，租一啲唔做夜市嘅食店，例如燒味店或粉麵店，頂佢哋嘅晚市嚟做，開支一定可以比自己租舖便宜，而且乜都齊晒，連裝修同餐具費都慳埋添。」
咁都諗到，真係唔寫個服字習費就我袋晒，一個幾千，十個就幾萬，單係賺呢筆錢都夠和味，跟住我仲有第三，同第四步添……」真係估唔到年紀小小嘅小樂，竟然咁識做生意，睇嚟我都要向佢好好學習至得。
撰文：小德
攝影：阿昌