如果剝衫係為賺快錢上岸！咁剝完着番又再剝，係咪代表失敗呢？英國脫模Chanelle Hayes，喺裸模、娛樂、音樂界可謂乜都撈齊，百足咁多爪，偏偏係剝衫最吸睛，一絲不掛，始終都係最啱佢！
有傳Chanelle Hayes因有位濫藥嘅阿媽，結果要喺英國某監獄出世，到佢5個月大，阿媽仲畀人謀殺，結果Chanelle妹成為孤兒，令佢性格變得獨立又孤僻，直到長大成人，阿妹就自薦參加電視真人騷節目，玩咗無耐就被Foul出局，但無損佢要成為公眾人物決心，趁住有啲人氣即刻剝衫拍寫真，搵到錢又賺到人氣，之後又學唱歌成為歌手，簽過唱片公司，推出過一隻音樂跳舞大碟《I Want It Is》，更走性感辣妹路線，可惜銷量麻麻。此外，阿妹又做過收費電視主持，都係賣波賣籮賣寸嘴，喺娛樂圈乜都試過晒！
19歲出嚟搵食，Chanelle Hayes對錢嘅慾望比一眾裸模仲要高，睇佢替各大成人雜誌拍裸照便可略知一二。通常一般囡囡會為自己建立一個形象，玩到外界睇厭先轉型，但阿妹就「乳」別不同，每次登場總有新鮮感，金髮黑髮、長髮短髮、野性純情、辣妹可愛，務必盡吸天下男女，一個不漏！雖然Chanelle好勤力，但正所謂周身刀，冇張「利」，惟有喺裸模界同娛樂圈兩邊走，結果喺2009年，當事人始終發現剝衫最好搵，連續4年推出年曆，喺2011年更由B奶僭建到E Cup爆咪，你話唔係剝清剝楚，邊會廿零歲先搞咁大壇嘢吖！
簡介：Chanelle Hayes幕前乜都試過晒，有10幾萬Followers一啲都唔出奇，之不過想喺社交網睇佢剝衫就好難囉！
網址：https://twitter.com/chanellejhayes
出生日期：1987年11月11日
三圍：32E-23-33
身高：5呎3吋
撰文：祖