家陣做乜都要講良心，想賺盡一定畀人鬧爆，最好當然係做到雙贏啦！好似鹹網老闆Vicky Vette咁，明明自己剝清砌埋賺到盆滿缽滿，但係阿姐就偏愛益新人，互惠互利，咁咪醒目囉！
形象嘅嘢可以慢慢執，最緊要係你肯剝同埋聽教聽話。好似嚟自美國嘅無敵32HH大奶脫星Siri，初入行時畀人勁踩醜樣，但係阿妹勝在肯搏肯做，之後執靚個Look，變到家陣不知幾上鏡，仲攞埋Miss FreeOnes選舉嘅Best Newcomer 2012，人氣爆過對奶，即時吸引各大片廠爭住搵佢拍戲，收入豬籠入水。
早前，阿妹畀網站老闆兼挪威女神Vicky Vette睇中，簽佢為旗下網絡脫星，正式加入Vette Nation Army Network（簡稱VNA），睇嚟阿妹今鋪唔紅遍歐美都好難囉！
查實今次呢個絕對係互惠互利合作計劃，細佬先交代一下VNA呢個鹹網，當年脫星Vicky Vette因為鍾意玩花臣，明明係請脫星姊妹落床同男女對手執劑，卻包裝到淫慾女兵團咁款，着晒迷彩戰衣，揸槍戴頭盔喺荒山野嶺打野戰，夠晒噱頭，睇到四仔迷差啲走火！
可惜Vicky簽嘅「女兵」開始青黃不接，甚至可以話熟到透，好似Puma Swede、Sunny Lane及Julia Ann等，全部都已經4張嘢，家陣簽咗24歲嘅Siri，你估邊個着數啲呢？難怪47歲嘅網站老闆Vicky Vette開派對歡迎呢位生力軍，仲對傳媒話已經好耐冇簽新人加入VNA兵團，對上一個係2年前簽嘅脫星Nikki Benz。不過，計我話係無囡囡肯加入至真啦！
撰文：祖