介紹過不少台灣兩性專家嘅作品，今日就介紹一位嚟自內地嘅畀大家認識，名字叫肖雪萍，認識內地情況嘅朋友都明白，佢哋嘅兩性作家，大多數都係醫學或者心理學界嘅權威專家，好少係寫寫吓專欄爆紅出嚟嘅，但肖雪萍就係其中甚少數嘅一位，佢嘅文章除咗喺大小女性雜誌刊登外，更多嘅就係喺網上發表，因而深受不同讀者群嘅喜愛。最近佢就推出新書《滾床單心理學》，副題係「揭開隱藏在床單下的性福秘密」，睇個題就已經十分吸引，作者除咗論述男女對滾床單嘅不同心理外，仲踢爆另一半當唔再想或冇興趣滾床單時嘅心理暗示。除咗基本心理分析外，一啲戀物同另類行為，作者都喺書內一一進行分析，但最出位嘅就係書後附錄咗好多讀者搵作者解答嘅古怪問題，當中不少情況匪夷所思，所以無論你當佢係本趣味圖書或係工具書，都十分吸引！