最近掀起黃色巨鴨熱潮，吸引逾30萬人去尖沙咀睇鴨，逼得水洩不通。原來，AV女優成瀨心美亦係鴨仔Fans，曾經喺一輯寫真中佢就同班鴨仔出浴，最近阿妹小休復出，唔知會唔會食住呢次鴨潮，嚟鋪與鴨共舞呢？
今個月各位熱愛巨乳系女優嘅AV迷有雙重好消息！唔係有超優質嘅巨乳新人出道，而係有兩位曾經叱咤風雲嘅巨乳天后回歸AV界，佢哋就係G奶天后北川瞳以及E奶天后成瀨心美喇！
北川瞳由於早前要去峇里島開攝影會，同時又要為所屬嘅AV女優組合PINKEY宣傳新碟，同班師妹一齊四處登台演出，真係忙到甩轆，所以休息咗半年，阿妹最近宣告休息完畢，全面復出投入AV拍攝工作。
另外，曾經獲得Sky PerfecTV!成人放送大賞年度最佳女優嘅成瀨心美，早前因為密密拍片，仲要分身出席攝影會，同時又要同櫻心美、神咲詩織以及Maika組成嘅女子組合me-me四出表演，工作忙碌，加上壓力太大，以致身體欠佳，結果頂唔順，於今年2月喺社交網上表示要休息3個月抖一抖。話咁快，踏入5月心美嘅休息期已經屆滿，現已投入工作，希望阿妹嘅新作可以盡快推出，等一班粉絲唔使再牽腸掛肚啦！
撰文：賢