今日要介紹一位嚟自山東嘅新人畀大家認識，名字叫金初曉，未認識佢之前都以為係韓國妹，原來一場誤會，佢係地地道道嘅山東姑娘，皮膚白滑，身材高挑，最重要仲係樣子清秀可人，絕對係人見人愛嘅超級靚女。
金初曉大約2011年出道，因為樣子貴氣，好有大將之風，所以好多人都以為佢靠選美闖出名堂，原來唔係，初曉係「紅褲子」出身，而且仲係中央戲劇學院嘅畢業生添，出自名門，當然唱做念打瓣瓣精通，佢畢業後就勇闖模特兒界，一口氣拍咗多輯性感寫真，即時令佢人氣急升，之後工作不斷，有雜誌拍攝，更有不少代言廣告，講真以初曉嘅身材，真係魅力無限，性感逼人，特別係34吋胸部，製造出嚟嘅洶湧感覺，足以令男士們窒息，加上小蛇腰同埋渾圓翹臀，絕對可以用玲瓏浮凸嚟形容佢，令人無限遐想！
剛才講過初曉係戲劇學院出身，所以佢對拍戲興趣濃厚，雖然呢兩年拍攝工作忙碌，但都抽時間接拍咗唔少影視作品，一來吸收經驗，二來亦開拓財路，目前雖然未做到女主角，但據講初曉嘅演出深受好評，獲得劇組上下嘅認同。相信唔使好耐，自然做埋主角啦！至於電視節目方面，初曉都參與過，表現亦見不俗，但佢志不在此，只希望將多啲心力放喺電影方面，咁年輕嘅囡囡就咁有計劃同大志，相信呢位山東姑娘前途一定無可限量！
簡介：博客裏面，有齊金初曉出道以來嘅所有照片，好幾輯超性感嘅寫真都被收錄晒喺裏面，絕對值得大家瀏覽下載，甚至轉貼呀！
網址：http://blog.sina.com.cn/jinchuxiao
出生地：山東
三圍：34-24-35
身高：168cm
撰文：龍四海