渡海濠情:捐卵認真唔簡單

日本首間民辦嘅「卵子銀行」快將開業,家陣正大力做宣傳,呼籲35歲以下嘅女士踴躍捐出卵子,等一啲無法正常懷孕嘅夫婦可以接受人工受孕,而嚟自利澳水療嘅夏玲就問有冇錢收?原來係無償奉獻嘅,一個仙都冇!

痛快一陣

夏玲話:「咁樣真係好唔公平,因為男人捐精,聽講係有錢收o架!雖然好似只得一兩百蚊,但都好過冇吖!點解女人捐卵就冇呢?真係好唔公平呀!何況捐精自己搞掂,全程不經人手,唔似我哋捐卵,要插條試管入去,而且男人捐精最後可以痛快一陣,但我哋可能會痛苦一陣,兩者完全唔同,所以冇少少錢作補償,睇嚟呢個『卵子銀行』,想有生意都難!」除咗錢之外,你冇諗其他嘢嘅咩?夏玲話:「當然有啦!我諗咗好多添呀!」

頭腦精明

咁你諗過啲乜呀?夏玲話:「人哋男人嘅精子,如果係出自大學生嘅,聽講價值會高啲,如果係博士或者大學教授嘅價錢就更高,另外運動員嘅精子一樣係名貴嘢,至於金牌運動員當然更貴,但點解未聽過卵子有人咁分呢?好似我咁人靚身材好,加上頭腦精明,數口十足,呢粒卵子最少就值十萬八萬啦!點可以一個仙都冇就送畀人呢?」夏玲妹妹!你個腦除咗錢,就冇其他咩!睇嚟將來佢老公要動用佢粒卵子,一定所費不菲呀!

夏玲Profile  

年齡:21歲

三圍:33-24-35

撰文:小德

攝影:阿生