女仔嘅妒忌心特別重，例如啲平胸女仔，見到有女仔比佢哋好波，妒忌心更盛，然後就會話對方定係胸大無腦，不及佢哋冰雪聰明。到底胸大係咪真係冇腦呢？擁有35G巨胸嘅尾崎奈奈係咪低智商就未知，但係就相當易呃。
睇古裝片成日都聽到有受害者講：「我真係有眼無珠，識錯咗你呢個負心人！」但係有眼有珠而雙目無神一樣係咁淒涼，因為睇落成件行屍走肉一樣嘛。如果好似日本水着妹尾崎奈奈咁，雙眼有神又水汪汪，咁就可以迷死男人喇。雖然奈奈今年已經30歲，但係樣子依舊嬌俏可人，魅力逼人，水汪汪嘅姣爆眼神更加迷死人，似二十出頭多過三十出頭。除咗容顏攝人，奈奈嘅身材好到嚇親人，身高5呎5吋，胸前仲有一對35吋G-Cup大包米，加上23吋纖腰，胴體之美真係冇得頂。
尾崎奈奈讀小學嘅時候，因為見到當時仲係童星嘅安達祐實紅極一時，已經立志以佢為榜樣成為當紅藝能人。後來，到奈奈完成大學短期課程之後，就正式加入藝能界做寫真女郎。之不過，唔知係咪奈奈胸大無腦，因為一次受騙而被事務所Artists Box解除合約。事件發生於2007年，當時阿妹因為私下接拍一輯頭髮裸體寫真嘅工作，開罪事務所而被踢走。當時阿妹就話自己係被攝影師會田我路氹落疊，但係會田我路就話自己畀咗一百二十萬日圓模特兒費奈奈，阿妹佢見錢開眼至唔理會同事務所簽定嘅條文而拍頭髮裸體寫真。事件之後，奈奈輾轉投身到事務所Fang同Lip，之後終於同Artists Box冰釋前嫌，重新為該公司工作。
尾崎奈奈飲飲食食相當在行，大家一Click上佢個博客就知道佢幾咁鍾意四圍去搵嘢食喇！睇完之後，話唔定可以搵到一個阿妹常去嘅餐廳，下次去日本可以試吓去撞佢。
網址：http://ameblo.jp/ozaki-nana/
年齡：30歲
身高：5呎5吋
三圍：35G-23-34
撰文：賢