最近有個AV男優出咗本兩性圖書，叫做《無重力性愛》，起初以為係教大家高難度嘅半空性愛技巧，但原來一啲都唔關事，反而教大家還原基本步，重視正常嘅傳統體位，只要夠熟練，就會令女伴獲得終極快感，仲聲言千祈咪信AV電影嘅情節同招式，因為現實生活中係無法做到嘅！呢位咁倒米嘅男優叫做太賀麻郎，做過AV男優同導演多年，自稱曾同兩千位女優合作過，而女伴更高達三千人，所以加加埋埋曾同五千個囡囡交過手，所以喺性技上自稱專家，佢嘅專長並唔係用啲乜嘢技巧取悅女性，而係鼓吹要多啲同囡囡心靈溝通，囡囡至會畢生難忘。聽落好似幾有道理，至於點樣氹女？同埋點溝通？呢本書真係花咗唔少篇幅講解，有啲係有用，有啲就真係吹水，但對於啲唔想靠氣力嘅男生嚟講，確實係佢哋嘅福音。