有人覺得模特兒工作好做，不但可以着靚衫，又可識多啲人兼見識呢個世界，收入仲相當唔錯添！不過對裸模Stephanie Knight嚟講，模特兒工作卻非佢杯茶，佢最終嘅目的係唔想過家陣咁舒服嘅生活，而係嚮往「辛」生活。
喺英國出生、今年26歲嘅裸模Stephanie Knight，不但擁有一把黑色嘅秀髮，更有修長美腿同埋玲瓏浮凸嘅身材，故此自出道以嚟，便深得男士嘅歡心，而裸模工作更係接踵而嚟，當中除咗有男士雜誌外，更為電子產品、汽車、時裝等雜誌拍攝封面寫真，甚至能夠走入公仔箱，成為電視節目嘅主持。Stephanie嘅成功除咗因為佢擁有優厚嘅天賦本錢外，努力不懈亦係佢成功嘅秘訣，自從佢成名後，除咗做裸模嘅工作外，更密密接私人模特兒工作，不論喺英國嘅影樓，定係要到外國影寫真統統照做，而據同佢合作過嘅攝影師指，Stephanie亦唔會挑剔，表現更係相當專業，經常參與攝影嘅工作安排，如此認真嘅工作態度，難怪深得大家嘅歡心。雖然索模Stephanie話乜嘢工作都唔會推，但唯獨有樣工作佢一定Say No，呢樣就係四仔工作。
可能有人會以為Stephanie如此認真，佢一定對裸模工作好有興趣，點知事實卻係相反。佢曾透露自己其實唔係咁鍾意裸模份工，反而鍾意孭住背囊當背包客，皆因佢嘅夢想係成為一位旅遊作家。唔講唔知，喺Stephanie投身裸模界前，其實佢已經經常喺歐洲同非洲旅行，而佢最愛嘅更非搭飛機直達目的地，卻係揀選火車到處去。有人問Stephanie會唔會為咗旅遊而放棄裸模事業時，阿妹坦言家陣之所以咁努力，目的只係為咗儲夠「銀両」，以供佢日後旅遊之用。當然，Stephanie表示如果可以嘅話，最好係將裸模工作糅合於旅遊之中，簡單嚟講，即係既可以出埠工作，又可以順道旅遊兼寫作，如此理想嘅工作就相當完美！
究竟Stephanie嘅旅遊夢想有幾咁強烈？只需要入佢個私人Twitter度一睇就知道。事關佢經常會喺度慨嘆，工作排到密密麻麻，唔好話去旅行，就連瞓覺都冇時間。雖然話Stephanie旅行嘅心好強烈，但落喺其他裸模嘅眼中，不禁覺得有啲晒命嘅味道囉！
網址：twitter.com/SKnightModel
出生日期：1987年7月9日
三圍：32E、25、34
身高：5呎6吋