想搵情趣用品嘅話，相信大家第一時間諗到去情趣用品店度買，雖然款式多，卻唔少人因覺得尷尬而卻步。不過美國有新聞網指，呢種去商舖買情趣用品嘅時代已經結束，事關據佢哋調查發現，近年唔少大型嘅情趣用品零售商轉攻網上購物平台，例如三藩市嘅Good Vibrations、西雅圖嘅Babeland及紐約嘅Pleasure Chest等，而各間零售商嘅湧入，導致美國唔少網購網站都輕易搵到各種情趣用品，單係Amazon便已經有超過六萬件上架，數量之多絕非一般情趣用品店可比。由於網購能避免購買時嘅尷尬關係，故此唔少人預言網購情趣用品將成主流。
撰文：魂
北京一個春季房展會，據講第一日出席人數就高達四萬二千幾人，人數多出去年三成多，點解會咁受歡迎？除咗有六百幾間中外房地產公司參展外，每間都會請番三四個「房模」嚟坐鎮，形成過千美女雲集，自然吸引唔少龍友同宅男出席啦！今年嘅特色就係有唔少「金絲貓」出現，有網友報稱多達三四十人，個個質素唔差，比一啲車展嘅外籍車模索好多，仲要囡囡扮鬼扮馬嚟吸引客人。又難怪！內地嘅高級房屋，最少都要過千萬，有啲仲要億億聲添，所以想吸引貴客嘅眼球，囡囡嘅樣貌身材真係唔可以輸蝕，所以房地產公司間間都落「重本」，將外籍嘅索模，全都變身為「房模」。
撰文：小德
十幾年前，一啲台灣老兵為咗搵個伴，於是去越南相親，呢批新娘子就叫做「越南新娘」，但歐洲地方嘅老頭子，又去邊度搵個伴呢？原來就係烏克蘭，最近有唔少旅行團，聲明係「浪漫之旅」，團費約萬五至三萬港幣，暢遊幾個東歐城市，仲話明11日嘅旅程，保證你見到嘅異性，係五年內嘅總和，有冇咁誇張呀？一啲都冇，事關佢哋每晚都有相親活動，安排兩百個囡囡出現，令你眼花繚亂，如果睇中，仲有專人替你籌辦婚禮，真係好為啲老人家着想，當中囡囡年齡平均四十幾歲以上，但有啲只有廿幾歲，想譜出一段爺孫戀，不妨去一轉。
撰文：小德
日前日本寫真女王壇蜜推出新書，名叫《戀愛的法則》，記得佢每次做宣傳都有驚喜，好似上次為新片宣傳，當眾脫下丁字褲送畀觀眾，但今次新書發布會，竟然冇做任何出位嘅事，令粉絲們有點失望。當日壇蜜着件低胸連身裙，為咗令事業線更明顯，全場趴喺地嚟接受訪問，雖然酥胸半露，但有網友話佢收斂咗好多，有人就估計可能同佢轉咗新經理人公司有關。既然冇乜料到，壇蜜惟有喺談話內容上盡量出位，自爆舊年同一位已婚男士異地戀，兩人只用電話同電腦嚟神交，當記者們聽得入神時，佢就話戀情已告終，現在回復單身，你話係咪搵嚟搞呢？
撰文：小德