日本人唔知係咪崇洋心態重，無論係擁有歐美血統嘅水着妹定係AV女優，往往都備受注目。當然，原因亦可能係呢班混血兒的確係又靚女又好身材，所以至咁受歡迎，擁有俄國血統嘅小林惠美就係其中之一。
2007年，日本水着界出現咗一位絕色美人，佢紅遍亞洲，全因係一副混血兒面孔以及火辣身材實在令男人熱血沸騰，呢位就係Leah Dizon喇。父親係菲律賓人，阿媽係法國人嘅佢雖然紅極一時，事業如日中天，但突然間話要引退，仲宣布結婚兼且已經大肚。一心做少奶奶嘅Leah Dizon最後離婚收場，於是決心復出，但係時移世易，難再有發圍機會，下場都幾淒涼。而同佢一樣係混血兒嘅小林惠美，亦紅過，但係下場亦唔多好。今年已經30歲嘅惠美，曾祖母係一名由俄羅斯去到日本傳教嘅傳教士，可能因為擁有多少俄國血統，所以惠美嘅身材至咁激凸，皮膚仲要好似雪咁白。22吋纖腰配上35F豐滿上圍，令惠美副偈睇落曲線玲瓏，惹火程度爆晒燈，加埋5呎6吋身高，整體吸引力實在冠絕日本水着界！
小林惠美成為水着妹嘅契機，源於入讀青山大學第一年嘅時候，有一位同學見佢索得咁緊要，於是就將佢介紹畀藝能事務所嘅揸Fit人野田義治。當時，野田見到惠美咁正，一個星期之後就帶咗惠美去夏威夷拍水着寫真。入行之後嘅小林惠美，憑住過人美貌以及身材，成功吸引大量Fans，雜誌、電視都可以見到佢嘅蹤影。之不過，阿妹由於理財不善，所以變成沙漠美人，即係水都冇滴。而佢點解搞成咁呢？早前佢就向傳媒話自己投資眼光極差，買親股票都損手。惠美同時表示，家陣喺演藝界唔容易搵食，一個月起碼有四分之三時間休息，為咗搵生活費，仲要將自己嘅舊衫放上網拍賣，真係時也命也。
小林惠美自稱窮到燶，大家如果想睇佢點過日子，可以Click上佢個博客。
網址：http://ameblo.jp/emi-kobayashiemi/
年齡：30歲
身高：5呎6吋
三圍：35F-22-34
撰文：賢