渡海濠情：C級最完美E、F瘀到痹
女性上圍愈大愈多男人喜歡？原來唔係o架！日本最近做咗個調查，發現三成六人最喜歡擁有C級胸部嘅囡囡，其次係B同D級有近三成，而E、F級只有6%和4%喜歡。利澳水療嘅琪琪睇到就不知幾開心，點解？
手術加建
琪琪話：「自己胸部唔算好大，擔心男朋友唔喜歡，早幾年打算去韓國整整佢，但一問價錢，發現係天文數字，所以至打消呢個念頭，但胸部唔夠吸引嘅事，一直纏繞住自己，家陣聽聞話男人喜歡C級，咁真係一天都光晒！」小弟目測琪琪個胸，又點只C級呀？咁嘅導彈尺寸仲想去整，想搞到幾大呀？琪琪話：「我原本想整到G級o架！」唔係嘛？琪琪雖然都幾高大，當擁有G級巨乳時，成個造型就會好怪異，都係保持現狀好啲。
耿耿於懷
琪琪話：「一日最衰就係初戀嘅男友，佢花心就算啦，當分手時，問佢我有乜嘢唔好？佢隨口噏話我個胸太細，於是我一直都耿耿於懷，好想將自己個胸有咁大就整到咁大。」你幾多歲失戀呀？琪琪話：「12歲囉！」你男朋友都傻傻哋，12歲當然冇乜身材o架啦！好在呢個調查報告令琪琪完全清醒過嚟，否則一直咁追求「巨」字，浪費金錢之餘仲令身體變形，咁又何苦呢？
琪琪Profile
年齡：21歲
三圍：34-23-34
撰文：小德
攝影：阿昌