話說白俄羅斯有間音樂電視台，喺今個月13日畀人大整蠱，當日下午三點多，正播緊MTV，觀眾安坐家中亦如常收看，但到咗3點45分，電視畫面突然一閃，起初仲以為接收有問題，但馬上回復正常，而播出嘅竟然係四仔情節，男女主角正演出床上動作片，手機友即時拍低兼瘋傳上網，唔少人仲趕得切開電視，睇埋壓軸嗰段，到電視台發現抽起片段時，已經播咗廿幾分鐘，唔少師奶自然大大聲投訴，電視台台長即時出嚟澄清話係遭人整蠱，強調會徹查此事。有網友話整蠱時間愈長愈好，睇得晒全套演出，咁就冇得頂啦！
撰文：小德
男士約初相識嘅女士食飯都會揀啲好啲又高級啲嘅餐廳以留下好嘅印象，順便睇吓有冇深入發展嘅機會。不過喺食貴飯嘅同時，原來內裏大有文章o架！英國有報紙早排做咗個調查，喺受訪嘅二千名男女中，睇吓佢哋覺得食飯同飯後曳曳嘅關係，結果發現有兩成男士認為，如果請食超過100英鎊，即約港紙千多元嘅飯，即係暗示佢哋想同初相識嘅女士有下文。至於女士則有七個百分點，認為食咗人哋過千元嘅飯便打定數會同人哋曳曳，否則內心會過意唔去。當然有極大部分嘅女士覺得，就算連食三次過千港元嘅飯都唔算係乜嘢，只係代表該男士有經濟能力而已。
早排有調查指女士揀男友係同鵰嘅大細有關，即係鵰愈大愈能溝女。不過老實講，鵰大同細平時又點見到呢？唔通一見到心儀嘅女士，即刻走埋去自報長短咩？唔畀人告你性騷擾就奇。不過一班大鵰巴打又唔使咁愁，空得大鵰而無用武之地，事關最近出現一個名為「7OrBetter」，專為單身同鍾意大鵰巴打女士而設嘅交友網，報名入會嘅男士除咗要填寫一般嘅個人資料外，仲要自報大鵰嘅「嘥士」，仲要填妥生殖器嘅相關資料，包括割包皮、疾病等以供女會員選擇。只係填得再勁亦未用得住，皆因目前網站只供英、美、澳洲同加拿大男女使用，各位巴打仍只能望鵰興嘆喇！
鹹濕係咪男人嘅天性？梗係係啦！咁上鹹網同睇鹹片係咪男人嘅天性？咁又未必喎！事關早前美國就有大型成人娛樂及產業公司做咗個調查，發現喺受訪嘅超過一千位男士當中，竟然有百分之三十六表示從來唔會上鹹網亦唔睇鹹片，另外，調查亦發現有百分之四十四嘅男士，佢哋平時經常上鹹網，而且專揀免費嘅鹹網去上。事關佢哋覺得家陣免費嘅鹹網好多，而火辣嘅露三點寫真亦隨處可搵，唔使特登畀錢鹹網去搵相咁話，只有百分之四嘅男士表示，佢哋會上要畀錢嘅鹹網。至於剩低嘅百分之十六男士，則表示情願睇鹹片多過上鹹網。
撰文：魂