內地好多模特兒為咗發展，都要南征北闖，睇佢哋成日飛嚟飛去，好似好誇張咁樣，但其實佢哋早已習以為常，好似內地當紅人氣模特兒孟瞳迪，佢係寧夏人，喺海南島出道，依家就喺上海、北京等地走紅。
孟瞳迪喺海南島嘅海口經濟學院畢業，諗住日後做白領，同其他女仔一樣，讀書時客串網拍模特兒，由於樣子清秀，身材高挑，所以愈嚟愈受歡迎，之後更喺朋友慫恿下，參加咗海南地區多個選秀比賽，獲得唔錯嘅成績，令佢勇氣大增，諗住畢業後投身演藝圈，而喺2010年因為拍咗一輯以「椰子美女」為題嘅寫真，令佢一炮而紅。照片以海南島陽光與海灘為背景，加上瞳迪唔錫身演出，影咗輯只用手遮住兩點嘅噴血寫真。走紅後瞳迪喺全國各地飛嚟飛去咁接工作，近年連車展都搵佢出席，當中更有著名嘅「奔馳」房車，可想瞳迪嘅人氣有幾厲害！
除咗做車模，瞳迪亦喺短短時間內接拍咗三套電影，第一套係同李仁港導演嘅《鴻門宴》，主角係劉亦菲同埋黎明，雖然只係做一個小角色，但已令佢畢生受用，之後就係楊紫婷導演嘅《殘夢》，當中已經係有好多對白嘅角色，不少網評都讚佢係可造之才，話以佢一個商科班學生，冇接受過任何演藝訓練，演來竟亦似模似樣，真係天生適合食呢行飯。跟住好快就有導演搵佢做女配角，仲係賀歲片添，呢套就係《樂翻天》，喺內地都幾紅o架！相信瞳迪好快就做埋女主角添！
簡介：孟瞳迪出道日子好短，性感寫真唔係太多，而係微博上就有好多佢嘅自拍照，斯文性感一應俱全，入去瀏覽就知道。
網址：http://171425750.qzone.qq.com/
出生地：寧夏
三圍：34-23-34
身高：170cm
撰文：龍四海