早前男士們特別心情煩躁、情緒低落，唔係因為天氣陰晴不定，連續多日落雨，而係日本女子組合惠比壽麝香葡萄舉行最後一場演唱會，正式解散，唔知幾時再睇到佢哋喺台上又唱又跳，咁你話點會唔傷心吖！我好掛住吉沢明步呀！
近年最能夠惹起男士們興趣嘅日本女子組合，唔係由一眾嬌俏美少女組成嘅AKB48或者SKE48，而係惠比壽麝香葡萄，因為成員絕大部分係AV女優，包活有吉沢明步、小川亞沙美、麻美由真、Rio等等，佢哋又唱又跳又露奶，吸引力梗係勁過身材差一大截嘅AKB48啦！可惜，呢隊成立咗5年嘅AV女優組合終於要解散，為回饋粉絲嘅支持，葡萄隊由2月起舉行全日本巡迴演唱，到4月7日圓滿結束，當日更進行畢業式，由製作單位向每個成員頒發畢業證書，臨別依依嘅成員接過證書後，都顯得甚為傷感，好多更淚如雨下。
呢場演唱會，葡萄隊成員連續表演咗5小時，合共唱咗30首歌，絕對係傾力演出。而當日發生唔少插曲，演出期間，先後有粉絲衝上台近距離接觸偶像，其中一個粉絲就比較感性，呢名約為30歲嘅男子，上台之後一邊跟住葡萄隊嘅成員跳舞，一邊喊到眼淚鼻涕一齊流，好肉酸！另外，久未露面、被傳身體欠佳嘅巨乳天后麻美由真，以及早前宣布退出組合嘅櫻木凜，兩人亦有上台表演，為組合獻出最後一分努力。
撰文：賢