好多人都認為混血兒五官深邃，樣子特別，喺娛樂圈發展一定會更為容易，其實要成功除咗樣靚之外，本身實力同努力都好重要，今日就介紹一位嚟自北京嘅混血兒畀大家認識，絕對兩者兼備，佢就係劉露希。
今年23歲嘅劉露希，嚟自北京一個小康之家，有四分之一法國血統，所以五官較深邃，但仍保持住華人美女嘅特質。露希除咗樣子甜美，更喜歡唱歌、跳舞，除咗喺學校學習，仲喺課餘時間請老師培訓，據講佢對自己要求好高，有時為咗練舞，竟不眠不休，晚晚跳到兩三點至瞓，造就咗露希不屈不撓嘅性格。高中畢業後，露希考入北京電影學院，讀書期間已經接拍影視作品，畢業後自然順利加入娛樂圈，全力喺新起跑線上衝刺，出道短短幾年間，已經接拍咗超過十部影視作品，真係實力超群。
在學期間，露希都有兼職做平面模特兒，主要係拍美少女時裝照，但畢業後露希便全力衝刺，只要有人搵佢拍攝性感照，都會毫不保留咁豁出去，所以真係可以用「一輯比一輯精彩」嚟形容。講番露希嘅身材，170cm嘅身高，單係一雙修長美腿已經吸引死人，何況佢上圍有36吋，所以照片經常畀到人波濤「胸」湧嘅感覺，特別係佢替男士雜誌拍嘅寫真，一對巨乳充滿壓迫感，令唔少男士呼吸困難，所以露希走紅，係有佢成功嘅原因。
簡介：劉露希出道未夠兩年，寫真照真係唔多，所以冇專屬站，但網上流傳嘅多輯性感照，全放喺呢個網站，大家絕對不容錯過。
網地：http://baike.baidu.com/view/8175989.htm
出生地：北京
三 圍：36-23-36
身 高：170cm
撰文：龍四海