模影模蹤:佐佐木麻衣跳得吹得又打得

小弟最怕遇到一啲冇乜嗜好嘅女仔,跳舞唔鍾意,打波唔鍾意,打機更唔鍾意,叫我如何挑起話題同佢傾偈呢?好似佐佐木麻衣咁活潑好動,乜都玩一餐嘅女仔就最好喇!

圓潤靚股

近期日本至Hit嘅水着妹一定係演出豪放冇底線嘅壇蜜,除咗佢之外,仲有露點演出,即將搬上大銀幕嘅業界No.1美體佐佐木心音。提到佐佐木,會發覺好多靚女都係呢個姓氏,例如模特兒界嘅佐佐木希、AV界嘅佐佐木遙,以及今日為大家介紹嘅人氣水着妹佐佐木麻衣。今年24歲嘅麻衣曾經做過三年OL,後來就畀事務所嘅揸Fit人發掘,成功利誘佢簽約為旗下藝人。老實講,麻衣又真係幾值得力捧,因為佢生得嬌俏可人,活潑又清新。身材方面,雖然唔係巨乳系,但係身高5呎7吋嘅佢夠晒高挑修長,上圍亦唔小,而最吸引嘅就係一個又圓又挺又夠分量嘅靚股,睇嚟阿妹有資格挑戰秋山莉奈嘅股后地位喎!

活潑好動

麻衣成為藝人之後,主打拍攝水着寫真,2010年成為日本Young Magazine嘅模特兒,以及選美活動TELEBOATCUP CANPAIGN嘅其中一位參賽者。之後嘅2011年,麻衣憑住專業嘅演出以及姣好身段,奪得ZAK THE QUEEN 2011年冠軍。除咗參加選美活動,麻衣仲經常上電視,演出嘅電視劇包括《方言彼女2》、《家電's Walker》等,角色多數都係陽光少女,大賣自己嘅活潑可愛。其實阿妹本身又真係相當活潑好動,佢話乜波都識得玩,小學時最叻打排球,初中時打網球已經進入化境,讀高中就棄動取靜,轉吹長笛。忙於工作之外,阿妹亦唔會忘本,佢自稱為故鄉德島嘅旅遊大使,為宣傳德島,而去到當地拍寫真同大跳傳統嘅阿波舞。

個人博客

佐佐木麻衣經常將最新動向寫晒落博客,想知道阿妹佢最近玩乜食乜,以及群埋邊個水着妹,都可以上博客睇睇。

網址:http://ameblo.jp/1020-sasaki-mai/

佐佐木麻衣Profile

年齡:24歲

身高:5呎7吋

三圍:32C-22-34

撰文:賢