係男人都希望自己某部位又長又大，咁至可以令女伴興奮莫名，甘願接受征服。至於女士們最好亦又長又大，女人冇那話兒喎！點又長又大法呀？有！好似鈴木富美奈咁，就可以話畀大家知有幾吸引，仲可以迷倒萬千男人添！
巨乳女優雖然吸引，但係作為一個有品味、高格調又有眼光嘅男人，其實應該對女優要求更高，唔好只係將目光集中於佢哋嘅心口，局限自己嘅眼界。故此，日本水着妹當中，作為童顏巨乳代表人物嘅篠崎愛，雖然又可愛又擁有一對堅挺無比嘅G奶，但係身高只得5呎2吋，睇落有少少肥肥矮矮，好難得到小弟嘅歡心，不過又好波又高挑嘅女優是否存在呢？我肯定地話畀大家知道，答案係肯定嘅！鈴木富美奈就係喇。22歲嘅富美奈2009年開始成為水着模特兒，一出閘就跑贏其他同輩幾個身位，因為阿妹佢除咗擁有一張充滿陽光氣息嘅甜美笑臉，而且眼大又精靈，身材方面仲Very Good！身高5呎7吋嘅佢算係水着界中少見嘅長身女優，但係阿妹高得嚟，玉臀又圓又翹，上圍仲有38吋H-Cup，大得嚟又夠挺，一夾就展示出長長嘅事業線，集合兩長（身高、事業線）兩大（眼睛、胸部）四個優點於一身。
富美奈出道之後成名得相當快，所憑嘅當然係呢副好身材，不過佢拍寫真同寫真DVD時表現出活潑開朗，同時又夾着鄰家少女嘅溫文特質，令作品迷倒大量麻甩佬。2010年，阿妹嘅演出獲得肯定，贏得日本Miss雜誌舉辦嘅「GGIRLS」比賽冠軍。得獎之後，阿妹嘅名氣再次提升，所以獲邀參加電視節目《女神降臨》以及唔少綜藝節目。近年，阿妹除咗繼續推出寫真大賣G奶，另外仲為舞台劇演出，例如《月下的管弦樂》。於劇中，富美奈表現如魚得水，因為佢由細開始就學玩樂器，鋼琴、色士風都練得相當有火候，而其上乘吹奏功夫仲令佢贏得一個喺關東地區舉辦嘅音樂比賽添！
活潑好動嘅鈴木富美奈成日都周圍去，想知道佢最近又去到邊個地區活動，可以Click上佢個博客睇睇。
網址：http://ameblo.jp/fuminyan-blog/
年齡：22歲
身高：5呎7吋
三圍：38H-24-37
撰文：賢