裸模同脫星雖然樣貌同身材都火辣辣，但亦因為佢哋外在條件太過出眾關係，往往令人有種錯覺，佢哋只得外在而冇內涵。其實有樣貌又有內在美嘅裸模比比皆是，Bianca Deacy就係當中一個好例子。
喺英國出生、今年22歲嘅Bianca Deacy，早於4年前就已經出道，當時佢受到美國著名成人雜誌邀請，為其「Nude Spring 2007」拍攝性感封面，從此正式踏入裸模界。當年18歲嘅Bianca憑住其32D純天然上圍，即刻成為男士嘅焦點，從此喺各大成人雜誌嘅封面及成人寫真網站，都經常見到Bianca嘅身影。不過，事實上Bianca成名之路，早喺佢涉足裸模界前已經開始。原來Bianca本身已經係位具有相當人氣嘅舞蹈員，不但經常喺英國嘅大型夜總會、的士高同酒吧表演，更周遊列國四處演出，並憑出眾外形及舞藝，經常現身於世界各地嘅舞壇雜誌中，足見Bianca絕非只識得剝衫同擺甫士咁簡單。
雖然Bianca外形條件出眾，而且舞藝非凡，但佢卻絕非只係有一個僅得樣貌同身材嘅花瓶，呢位鍾意跳舞嘅索女原來亦鍾意文學作品，而佢最鍾意嘅作家有Robin S. Sharma同Paulo Coelho。從佢鍾意嘅文學作家及作品中，大家可發現Bianca係位思考型女孩，而佢亦不諱言不但鍾意睇文學作品，亦喜愛各種科學性同社會性嘅書籍，並且相當關注世界事務同關於社會嘅話題，當中尤以保護動物行動更係關注嘅焦點。咪以為佢只係得個噏字，Bianca仲會身體力行，不但力撐世界動物保護協會（WSPA）嘅活動，更參加由英國皇家防止虐畜會（RSPCA）舉辦嘅馬拉松籌款，名副其實係出錢又出力。作為一位相當有魅力嘅裸模，Bianca比其他裸模更加吸引嘅地方，更在於佢嘅內在魅力，如此內外兼備嘅索女，叫人點可以唔鍾意呢？
出生日期：1991年3月8日
三圍：32D、24、34
身高：5呎7吋
唔知係咪Bianca事務繁忙關係，故此佢好少喺自己個面書上留言，最多只係留低幾句說話，講述最近嘅動向。不過Bianca忙歸忙，仍會定時「噏撈」自己火辣靚相上去，當中更有唔少係自拍同素顏照。想睇吓Bianca素顏Look嘅話，大家咪錯過喇！
網址：www.facebook.com/media/set/?set=a.151989258155166.26551.122238731130219&type=3
撰文：魂