日本持續經濟不景，加上近期又學美國係咁印銀紙，搞到日圓插水，更促使一班AV女優到國外搵食。好似葵司就大舉攻台喇！
老牌名廠Alice Japan成立超過20年，廠內一向有多位天后級女優坐鎮，好似癡女天后嘅朝日奈明以及美體車模辰巳由衣等，除咗佢哋之外，廠方仲有另一張王牌，就係能夠同萌系偶像花蕾爭一日長短嘅葵司喇！
今年22歲嘅葵司出道2年多，憑住可愛面孔以及姣好身段，再加上演技一流，俘虜唔少AV迷。此外，阿妹喺2011年奪得日本AV界其中一個頒獎典禮XCITY大獎嘅大躍進女優獎，同年亦奪得Sky PerfecTV!成人放送大獎嘅FLASH媒體獎，實力不容忽視。
早前葵司減少拍AV，原來佢去咗台灣搵銀，以客串形式參演劇集《求愛365》，當中有唔少對白兼且有床上戲添！不過，葵司表示要背咁多對白的確有難度，最唔習慣係要着住衫拍戲，睇唔出阿妹原來咁開放。其實，葵司早於上年7月已開始攻台大計，佢搵咗日本知名攝影師米原康正拍攝寫真集《甜美秘密》，只限定喺台灣發售，此舉擺明就係試水溫啦！除咗葵司之外，AV女優攻台嘅例子都有唔少，好似波多野結衣、雨宮琴音上年出席台灣一個成人展覽，而上個月則有知花梅莎以及吉沢明步到訪台灣。
撰文：賢