女士喺公眾場所內討論自娛那些事，係咪真係有咁開放呀？梗係真啦！呢個公眾場所唔單止可以讓女士暢所欲言地談論自娛呢個咁敏感嘅話題，場內仲有大量女士專用嘅自娛用品畀大家把玩。呢個公眾場所位於日本新宿，專為女士分享自娛樂趣而設嘅酒吧「Love Joule」。店內嘅情趣按摩棒數量相當多，款式更係多樣化，從像真到趣怪，從細到大一應俱全，而客人方面從OL到AV女優都有，好似前AV女優峰奈由果就係呢度嘅常客。店內嘅情趣玩具雖然多多，但係唔可以即場用之餘，好奇嘅男士若冇女伴陪同嘅話，亦唔可以入內。
撰文：魂
日前越南一所大學搞咗個大型選美活動，勝出嘅靚女係一位22歲嘅大學生，幾靚女o架！眼仔碌碌，笑容甜美，身材就睇唔到，因為冇泳衣環節，但睇佢着住傳統「奧黛」（Ao Dai）服式時，身材玲瓏浮凸，一啲都唔輸蝕。佢現時喺大學讀緊書，據講今次活動，係當地咖啡節嘅重頭項目，冠軍得主被封為「咖啡王后」，以形象大使身份負責推廣當地咖啡文化，而網友認為選乜都好，冇泳衣環節，就好似硬係少咗啲嘢咁，何況眾多參賽者樣子娟好，身材唔錯，冇得展露真係有啲浪費。
撰文：小德
喜歡踩單車嘅巴打，一定試過裸露上身嚟風馳電掣，感覺一流，至於女性朋友，相信一定未試過，係咪好羨慕呢？上個月巴西就有人組織咗一次無上裝單車遊行，目的係要求當地增闢專用單車道，以減少意外，另外有環保人士就呼籲少用汽車，鼓勵以單車代步，訴求各有不同，但大家都裸露上身，有示威者更只着條丁字褲出現，騎上單車遠睇真係好似冇着咁樣。雖然囡囡們裸露上身，但為免觸犯法例，好多都喺胸部塗上顏料，寫上抗議口號，可惜天公不作美，遊行途中竟落起大雨，唔少囡囡打回原形，遊人即時眼睛大吃冰淇淋，令活動更有睇頭，成為全城熱話。
撰文：小德
上月美國洛衫磯舉辦咗一個鋼管舞錦標賽，共有150位精英參加，為咗爭奪一萬美元嘅獎金，佢哋喺鋼管上做出各種高難度嘅動作，令人提心吊膽之餘，又充滿誘惑同美感，但唔知點解，就算三甲精英演出如何精彩，但都打動唔到媒體嘅眼光，佢哋只集中報道一位62歲嘅參賽者身上，佢除咗係年紀最老之外，動作亦神乎其技，喺40歲以上級別攞咗唔少獎項，大家咪以為佢學咗好耐，原來佢退休後，為免自己骨質疏鬆，喺三年前至學跳鋼管舞，點知一轉圈就轉出埋藏喺心底嗰團火，自此不斷學習、比賽，更不斷奪盃。有咁嘅對手，其他參賽者唔失色都幾難。
撰文：小德