內地早排有調查指，哈爾濱係最多索女嘅城市，無獨有偶，日本早前有網站亦做咗個調查，睇吓邊個地方最多靚女，結果由秋田縣奪冠，適逢最近日圓低水，各位有興趣去日本玩嘅男士，不妨到當地觀察一下，嗰度係咪真係咁多靚女。
呢個由日本手機新網NewsCafe進行嘅調查，以「印象中邊個縣最多靚女？」為題，並提供包括東京都、北海道、秋田縣、長野縣、愛知縣等9個地方供大家選擇。調查成功收回1,271份問卷，結果發現喺一眾參與調查嘅人士當中，佔咗31.5%認為秋田縣最多索女，其次分別係12.8%嘅東京都；10.7%嘅福岡縣。
2005年出道嘅佐佐木希確係「秋田美人」嘅最佳代表，當年佢喺日本漫畫雜誌舉辦嘅《日本全國尋找美女》活動中登上雜誌封面後，從此人氣飆升！佢先後於2011年全日本20名最美女優選舉中榮獲第1名，並喺美國電影網站「2011年最美麗的臉100人」排行榜中排行第71位，同時亦係日本最高排名者。
佐佐木希Profile：
出生日期：1988年2月8日
身高：5呎5吋
三圍：31、23、32
嚟自東京都嘅小泉麻耶，早喺高中時代已進入藝能界，並喺2007年7月以「寫真美少女新星」嘅稱號，喺遊戲機PSP上推出首本寫真集，供大家下載。消息公布冇耐，麻耶即輕鬆登上PSP下載排行榜嘅首位，果然係索！
小泉麻耶Profile：
出生日期：1988年7月2日
身高：5呎6吋
三圍：35、24、35
日本女子組合AKB48索女多多，而能夠成為組員兼隊長嘅篠田麻里子，質素之高絕對毋須懷疑，而睇番佢喺AKB48每年嘅總選舉排名中，更從未試過跌出5名之內。麻里子能夠喺眾多美少女中佔一席位，難怪被視為福岡索女嘅代表人物。
篠田麻里子Profile：
出生日期：1986年3月11日
身高：5呎5吋
三圍：34、22、33
撰文：魂