喺香港大氣電波談兩性關係嘅，冇乜人可以紅起嚟，但喺外國就唔同，佢哋不但可以大紅大紫，仲可以出書開講座，單係騷錢都賺到笑。近年日本就有位兩性專家喺大氣電波闖出名堂，佢就係高木希奈，舊年佢出咗本書叫做《男人就靠這一招，女人就吃這一套》，副題係精神科女醫師教你面面俱到的性愛攻略。內容開宗明義談兩性攻略，而且從心理學出發，主調比較特別，據講推出後反應一流，香港最近亦再版推出。
個人比較喜歡佢嘅見解，就係性行為就算如何開放同大膽，欲拒還迎呢招，始終係男女雙方最討好嘅方法，佢話女士主動雖然刺激，但不及嬌羞嘅表情誘人，而當男方努力令女方改變，直至欲罷不能，嗰份成功感，比高潮還要滿足。呢本書就教大家點樣有效地，男做番男嘅工作，女保持女嘅態度，有啲人會話太過扮嘢，但扮吓嘢大家開心又有乜所謂！
書名：《男人就靠這一招，女人就吃這一套》
售價：HK$88
撰文：小德