日本經典漫畫《漂流教室》講述一班小學生無端端連同校舍去到異域，四圍滿布怪獸之餘，班學生哥仲要面對人心變異而出現嘅內訌，睇過都知恐怖程度有幾高。而經典韓國情色電影《漂流慾室》雖然冇怪物，仲充滿愛，但係愛到極致嘅貪婪表現，一樣令人毛骨悚然。《漂》片於2000年上映，是韓國天才導演金基德早期作品，故事講述一個因為女友出軌而憤而殺之嘅警察賢植，着草去到一個湖。呢個湖係垂釣勝地亦係男人度假好去處，因為漂浮於湖上嘅度假屋，同時有妓女提供服務，由徐倩飾演嘅啞女熙真就係經營度假屋嘅老闆娘。對賢植漸漸由產生興趣到愛上對方。呢種愛更加令熙真想完全佔有賢植，不惜殺死賢植叫嚟嘅妓女，再將嚟搵該名妓女嘅男人殺埋。不知就裏嘅賢植對熙真本來相當厭惡，但基於大佬唔食，細佬都要食嘅原因，依然同熙真不斷發生關係。某日，巡警嚟到賢植吞下一串魚鈎想自殺，熙真先將佢收藏，巡警走後再將佢釣起，慢慢為佢清除魚鈎同治理傷勢。後來，賢植偷咗架艇仔走佬，搞到熙真又將一串魚鈎放入小妹妹自殘，令賢植於心不忍回心轉意，最終二人解開固定湖中小屋嘅繩索隨水漂流一齊生活。《漂》片中激情場面唔多，但熙真經常無意露點嘅演出卻有一種不知不覺誘惑你嘅感覺，加上熙真對愛嘅貪婪及執着，有別於一般情色片中嘅放蕩女主角，睇嚟層次更高，更值得細味。