正所謂食得魚翅多都要食吓粉絲，好多知名運動員閒來都會轉玩其他運動，好似桌球壇嘅「火箭」奧蘇利雲就轉玩長跑，籃球之神佐敦就轉打高爾夫球，就連以好波出名的水着妹手島優，近期都轉玩「股」，不過就唔係屁股嘅股，而係股票嘅股。
女人三十爛茶渣呢句話，可以話唔再適用於現時嘅環境，特別係喺日本。唔知係因為當地嘅水土關係，又或者日本嘅護膚品真係物有所值，好多年過30嘅日本女士都依然俏麗可愛兼皮光肉嫩，身材仲一啲都冇走樣。今年已經30歲嘅手島優就係其中一位。2004年出道嘅手島優，參加當年由漫畫雜誌少年Jump舉辦嘅「富有彈性小姐選舉」，得到讀者投票而成為冠軍，繼而廣為大家熟悉。當年嘅手島優同家陣可以話係冇乜兩樣，因為肉地一樣彈手，一睇就知道狀態相當健康。肉地彈力非凡之餘，阿妹豐滿嘅上圍，同樣保持得非常好，37吋I Cup嘅巨乳，無論係夾、倒、壓、搓都顯示出驚人彈力，真係好一對彈彈波！
憑極品I奶上位嘅手島優，去年去到台灣為一個騷演出時，因為個胸實在太堅，所以被頒予「最美麗的理想胸圍獎」，事件更加受到當地傳媒熱烈追訪。返到日本，星運直線上升，由於佢本身精通運動，更曾經係少年奧運會游泳運動候補成員，所以2008年被選為京奧支援隊，負責跟日本選手去北京打打氣。同年，阿妹仲獲得富士晚報舉辦嘅「ZAK THE QUEEN 2008」冠軍，氣勢一時無兩。近期，阿妹除擔任栃木縣足利市嘅旅遊大使外，就只係間唔中出寫真集同DVD，偶然亦會出席綜藝節目。至於阿妹家陣最常做乜？就係玩股票喇！據聞，手島優近年積極參與股票活動，同時亦有發表投資意見畀大家參考，成日掛住搵真銀，希望阿妹唔會因股忘胸，令各位粉絲失望啦。
擔任栃木縣足利市嘅旅遊大使之後，手島優不時都會四圍向旅客宣傳及介紹當地旅遊景點，想知道阿妹最近去到邊處宣傳，不妨上佢個博客睇睇。
網址：http://ameblo.jp/tejimayou/
年齡：30歲
身高：5呎6吋
三圍：37-23-34
撰文：賢