好波！好波！其實「好波」二字真係語帶雙關，可以話一個人球技出眾，亦可以話一個女仔上圍豐滿。之但係如果對住水着妹村瀨綾里子大嗌「好波」的話，以上兩種情況都啱用，事關阿妹身材同球技同時都有番咁上下。
雖然日本水着界嘅女優大部分都身材與美貌兼備，但亦有唔少唔係我杯茶！泳衣尤其係三點式，畀人青春又有陽光氣息嘅感覺，個人覺得女優最好係年輕又純真，就算年紀大少少，至少都要精精神神，所以好似仲村妙呢種病態美少女，又頹又唔醒神，就真係唔多啱我口味！相反18歲卜卜脆嘅陽光少女村瀨綾里子，係小弟見過咁多新人中，最有潛力成為水着天后嘅一個，點解咁講，事關佢屬於正統派美少女，俏麗可愛之餘，仲成日笑容滿面，感覺就好似天降甘霖一樣咁滋潤。雖然阿妹唔似篠崎愛、紗綾屬童顏巨乳妹，但亦係有前有後，肉地有彈性，肌膚又有光澤，相當鮮嫩吸引。
阿妹之所以身材咁好，同佢好波亦不無關係。初中時期，綾里子已開始玩手球，球技仲相當唔錯。據聞一次接受媒體訪問期間，佢展露出技驚四座的超凡球技，搞到現場所有人都大讚佢好波。兩年前開始，綾里子活躍於藝能界。至於佢能夠成為藝能界同水着界超新星嘅契機，就在於參加一個選舉，當時日本朝日電視台有個叫《London Hearts》嘅節目，搞咗個AKG47選舉，由日本全國發掘有潛質嘅青春美少女參加，而綾里子就係來自愛知縣。雖然綾里子喺選舉中冇得到任何獎項，但就令佢成功進身藝能界，並拍下唔少寫真DVD。另外，由於阿妹活潑可愛，演戲又夠投入認真，所以亦擔任過電影嘅女主角，作品包括《妖怪川姬みずさ》等。
年齡：18歲
身高：5呎4吋
三圍：32-23-33
村瀨綾里子曝光率高，參與嘅演藝活動又多，喺佢未開個人網站之前，大家可以由佢嘅博客得知佢最近演出嘅節目。
網址：http://ameblo.jp/murase-asako/
撰文：賢