啱啱過咗嘅情人節，唔少男士們都會買禮物送畀自己嘅太太或者情人，當然亦有享盡齊人之福嘅巴打，兩者都要送。據英國一個交友網嘅調查所得，原來英國同時有太太同情人嘅男士，今年買禮物嘅平均開支大約喺HK$2,400至HK$3,600，而太太同情人嘅金額比例，太太只係情人嘅一半。至於禮物種類，送畀太太通常比較實用，如鮮花、朱古力同衣物手袋，花更佔2成幾。至於情人嘅禮物就比較貴重，鑽石戒指同飾物高踞第一位，其次係名牌衣物同手錶，第三位就係高級嘅性感內衣，太太們睇到咁嘅調查結果唔眼火爆都幾難，巴打們！做人有時公平啲好！