最近東京由嚟自全國4,000名靚女中，選出今年度嘅環球小姐日本代表，佢就係嚟自三重縣嘅松尾幸實，25歲的幸實，係位資深模特兒，17歲就已經出道，實力超凡。最初佢留有一頭直髮，加上又高又瘦，唔算太起眼，但造型師幫佢電個大曲髮，成個人即時脫胎換骨唔同晒，有內地網友更話佢似足「星女郎」張雨綺，睇番獲獎當晚嘅相片，又真係幾似！幸實小學五年級開始就畫漫畫，仲不時將四格漫畫同埋插畫寄去雜誌社投稿，由於畫得唔差，經常都會刊登，仲搵到啲零用錢。但幸實怕自己愈嚟愈宅，所以17歲就加入經埋人公司簽約做模特兒，做漫畫家嘅夢想一直未有實現，家陣做埋日本代表，相信有排都冇時間再畫啦！