假如裸模都有盤口投注，細佬第一個買英國裸模Danielle Sharp跑Win，成為2013年最佳脫模，可惜暫時未有得玩！之所以投阿妹獨贏，事實佢太過人如其名，Sharp醒到暈，一年Fight低過百對手，成為2012年性感女模之一！
外界對Danielle Sharp嘅印象，通常圍繞住佢32E天然咪咪及對鏡頭不扭擰，但阿妹就認為只係欣賞佢大波嘅人好膚淺，事關佢係一名魅力非凡嘅Model外，更係時裝品牌管理人員、生活Blogger等等，真係百足咁多爪，之所以做裸模無非係想令更多人認識佢，因此喺2012年頭參加當地裸模比賽而入行，最後成為「Sexiest Find of 2012」最性感囡囡之一！
入行後阿妹瘋狂剝衫，先後替多本男性雜誌喪拍造型裸照，同時開設多個社交網站分享生活點滴，外界以為佢醉心裸體事業，而Danielle Sharp接受雜誌訪問時表示裸露係有期限，事實過程中佢已滲透不少「植入式廣告」，例如佢設計嘜頭Tee及代言嘅胸圍底褲，據知銷情仲唔錯。另外每次拍寫真都係實驗，Danielle Sharp親自為個人設計性感造型，市場反應好，即係佢成功！
短短一年時間，Danielle Sharp由寂寂無聞嘅學生妹變成人氣熱爆嘅Topless Model，可以同一班頂級前輩齊拍年曆及出騷，的確唔係人人得o架！但阿妹都有缺點，佢承認性格暴躁，尤其同人合作時，唔啱心意就想發脾氣，佢更笑言：「我太性感喇，胸圍根本不適合我。」意思係佢對身材充滿自信，從事裸模行走江湖最理想不過。偏偏寫真正要佢戴住奶罩剝先夠Sexy，搞到佢火都嚟喎！
有雜誌更覺得以佢條件，可以行多步做女同脫星，毋須同男優執劑一樣紅爆，可惜阿妹就表明對色情片絕不考慮，最多都係同姊妹攬攬錫錫，透過感覺誘發麻甩佬性幻想喎！年頭一篇專訪，Danielle Sharp談到未來動向，佢話現階段會重返校園，繼續未完嘅學業，當然會繼續剝衫保持知名度。咁細佬真係要祝你讀書唔成，否則阿妹選擇着衫玩時裝，咁我哋仲邊有好嘢睇呀？
簡介：Danielle Sharp嘅社交網用色情網嚟形容都不為過，你喺雜誌睇到嘅露點相，呢度一站式睇晒，仲要免費喎，想點呀？
網址：http://www.tumblr.com/tagged/danielle%20sharp
簡介：Danielle Sharp係一名時裝系學生冇亂吹，喺佢個人網誌內，原來喺2011年6月未做裸模前，阿妹已實行每日一Sharp，將最Sharp最靚嘅衫着上身，自己做Model拍畀大家睇，男女都咁啱睇！
網址：http://paperbirdi.blogspot.hk/
年齡：25歲
三圍：32E、25、35
身高：5呎4吋
撰文：祖