因乜事班索女着住比堅尼，喺冰天雪地下企定定影相？唔通佢哋凍到傻咗？其實班索女係參加緊瀋陽市首屆冰雪溫泉麗人大賽總決賽，其中一個名為「雪具秀」嘅環節。
參選佳麗要喺滑雪場度，着住性感比堅尼展現玲瓏浮凸嘅身材，同埋表現出佢哋性感嫵媚嘅一面。除咗雪具秀外，呢個選美會仲有多個環節，包括活力秀、才藝表演、泳裝秀同問答環節，最終決定冠軍誰屬。呢個歷時兩個月嘅大賽，共吸引咗超過200名嚟自公司白領、游泳教練、大學生等索女參加。不過講到尾，要喺雪地下展現美感前，眾佳麗睇怕要先比併忍耐力囉！
撰文：魂
光豬跑挑戰你膽量
外國周不時舉辦光豬跑步活動，一眾天體愛好者剝晒光豬跑步，場面何其壯觀，只係內地舉辦光豬跑卻係諗都未諗過！原來呢個喺北京舉辦嘅光豬跑，已經係第二年舉行，而活動嘅目的係宣揚親近自然同積極健身嘅理念。今年喺奧林匹克森林公園嘅光豬跑活動，共吸引咗約300名長跑愛好者參加。不過有口痕友話所謂光豬跑有啲名不副實，事關一班參與男女並非真係剝光豬，男嘅有着短褲，而女嘅則起碼着咗比堅尼泳衣。其實喺內地玩裸跑真係談何容易，依家已經係底線嚟，只係仍不得不讚一班參與男女，皆因北京呢期空氣認真麻麻，家陣仲要玩長跑，真係少啲膽量都唔得呀！
撰文：魂
熟人妻裸曆籌車費
人妻拍裸體寫真，唔通佢哋要賣肉還債？唔係，呢班西班牙熟女人妻，只係為咗讓囝囝囡囡唔使行幾公里路返學，而決定賣肉籌校車費咋！由於西班牙政府受財困所累，故此削減教育開支，連累到一間偏遠小學取消校巴服務，36名學生受到影響。10位母親唔想班仔女日日行3公里路返學，便決定推出裸體月曆嚟籌款。雖然尺度保守，但唔少人勁讚當中充滿母愛，絕非一般裸體月曆咁簡單。預計要賣出3,000本月曆，先至可以籌到一個學期約US$4,145（約HK$32,331）嘅校車費，數量龐大因而令呢班母親擔心銷情。點知月曆甫推出即極速售罄，讓一眾愛心母親相當鼓舞，決定下學期再接再厲。
撰文：魂
裸男睇裸男藝術展
維也納有博物館由舊年10月開始，搞咗個「裸男藝術展」，把1,800年前至今嘅裸男藝術品嚟個綜合匯展，當中有雕塑、油畫、攝影、板畫等約四百件珍品，本來都冇乜特別，但有個男子為貫徹展覽主題，竟係展覽館內裸體進行觀賞，呢位裸男即時被保安制止，將佢送出展館。事件曝光後，不少天體組織批評博物館有違主題，由此引起民眾廣泛討論，展館不知係妥協定係從善如流，竟然喺上月18日收館後，安排咗嚟自世界各地合共六十多位天體愛好者，畀佢哋剝光豬嚟欣賞展品，事後當然成為全城熱話，不少天體愛好者叫好，但想再參加光豬團嘅朋友可能失望，因為只此一團，之後參觀「裸男展」，記住要着衫至好呀！
撰文：小德