近年日本出現不同類型嘅人，大可以不同詞語形容佢哋，男人就有電車男、宅男、牛蒡男等，而女仔就有乾物女、腐女等。提到腐女，呢種愛好BL，即係Boy's Love（男男相戀）情節嘅女仔，其中有位真係索爆，佢就係京本有加喇！
日劇《螢之光》系列相信大家未睇過都會聽過，原因唔單只因為劇情有特色又有趣，仲因為主演嘅女演員，正係近年紅到發紫嘅巨乳美女綾瀨遙。遙妹喺劇中扮演一名乾物女，平日不修邊幅，屋企仲亂七八糟，對戀愛從來都提唔起勁，好似條魚乾一樣，所以就被稱為乾物女。呢種女仔真係好奇怪，拍得住佢哋嘅亦有腐女，好似京本有加咁。今年26歲嘅有加出道於2004年，其氣質綺麗動人，斯文得嚟又夠賢慧，但係當佢要扮可愛嘅時候，又突出一派嬌嗲萌味。身材方面，有加嘅肌膚好似雪咁白滑，上圍吋數係就係得32吋，但係Cup數有D，所以實際上夠大夠睇頭，唔怕冇嘢揸手。
有加又靚女又好身材，所以出道拍寫真以來一直都相當受歡迎，2007年，阿妹參加富士晚報舉辦嘅一個名為ZAK THE QUEEN比賽，仲獲得該年度準最高獎。之後，阿妹就開始一帆風順，除咗有份參與電影演出，好似《夠酷的女子2》之外，仲成為女子組合「中野腐女姊妹」（後改名為「中野風女子姊妹」）嘅成員，以此身份同其他姊妹一齊演出綜合節目。由於阿妹同其他成員都係腐女，鍾意欣賞男男相戀，所以演出嘅時候，更不時會以女扮男裝身份演出。除咗演出上展示出腐女風格，有加嘅姊姊原來係漫畫家，令阿妹佢亦受到感染而學習畫漫畫，所以佢得閒都有露兩手，作品包括《腐女魔道師與銀次物語》以及《腐女們Night Live》，凸顯出自己嘅腐女性格。
年齡：26歲
身高：5呎2吋
三圍：32D-22-33
撰文：賢