回帶到5年前，英國裸模Sam Cooke出道時被當地封為最靚波神，雖然今日已退位畀Lucy Pinder等一眾後輩，但阿妹冇唔甘心，更自我感覺良好，就如放下心頭大石，究竟係跌落地拿番渣沙，抑或看破紅塵心已死先？
俗語有話「人怕出名豬怕肥」，所以人出名容易被外界攻擊，而豬肥就例必被劏，呢個情況完完全全喺裸模Sam Cooke身上體現！06年參加英國「Page 3 Idol」公開比賽，憑其無敵30F-28-34完美身材而入行，同年即被多達15份報紙及國際雜誌，邀拍封面女郎及專訪，更被傳媒封為英國波神，本來係Sam Cooke身份象徵同上位捷徑，但唔知點解自此外界咬住佢唔放，喪抹黑佢打假波、整容、濫藥等，總之噏得出就噏。
Sam Cooke一心諗住憑剝衫進軍國際模特兒界甚至娛樂圈，但觀乎外界嘅負面評價，早就打消念頭，乖乖哋做個裸模，影鹹相、做內衣代言人，由08年開始每年出本年曆，得閒上吓電台電視晒咪做主持算數！
「收斂」後嘅Sam Cooke，有人以為佢一沉不起，查實所有都係阿妹預計之內，喺呢5年時間佢照舊剝衫搵食，但背後就不斷自我增值，原來佢對電子音樂甚有興趣，經常出席夜店做DJ打碟，翻睇佢社交網站圖片，有佢做DJ嘅夜店例必爆場，而阿妹十分低調，只會透過社交網通知友好捧場。
另外，阿妹對攝影都有一手，不時搵身邊同行好友充當Model畀佢影，更喺兩年前搞咗個攝影網站，所有靚相親自操刀，以個人及知名裸模做賣點賣相搵真銀，明顯係唔想太張揚，睇怕以後阿妹唔使再拋波露奶都夠佢搵食啦！
簡介：專屬晒波網站就冇，反而專業攝影網就有個。網站報稱所有靚相由阿妹親自操刀，名人素人脫星乜都齊，質素的確唔曳，想睇？畀錢啦！
網址：www.samcookephotography.com/
出生日期：1985年11月19日
三圍：30F-28-34
身高：5呎7吋
撰文：祖