一位年輕北京少女，自小渴望為人師表，喺18歲那年，更考入了首都師範大學，順利地朝着老師夢進發，點知一場奧運開幕式嘅演出，誘發出佢嘅演藝潛能，自此棄師從藝，喺短短四年間，更殺入日本開騷，佢就係王夢實。
自小能歌善舞嘅王夢實，童年夢想係當一個小學老師，冇諗過喺娛樂圈發展，2008年高中畢業後考入首都師範大學，當上大學生後，同年奧運會喺北京舉行，需要動員所有大學生參與演出，而夢實就被召入隊，成為演出開幕式嘅一員，經過多日緊密綵排，直至順利演出，夢實發現演藝事業先至係佢嘅真正夢想。自09年開始，就兼職做平面模特兒，由於走日系美少女路線，所以火速喺網拍界走紅，更吸引唔少內衣老闆嘅注意，期間接拍咗唔少內衣同埋泳衣照工作，因而網上有大量夢實嘅噴血性感內衣寫真，令佢人氣大增，連一啲大公司亦開始搵佢拍攝廣告，事業踏上高峰。
金髮、眼睛大大，化身日系美少女嘅夢實，講身材認真麻麻，身高166cm，唔算高大，至於三圍更只有33-26-35，上圍唔係太突出，但唔知點解夢實拍攝寫真時，上圍會不斷變化，經常都可以做出波濤「胸」湧嘅神奇效果，所以有網友封佢做「最變幻莫測的性感女神」，除此，樣貌都變化好大，事關佢一時一身金髮日系美少女造型出現，一時又變回黑髮嫩模嘅樣子，真係形象百變。喺2011年，夢實更被日本時裝品牌公司看中搵佢做專屬模特兒，並接受多間日本時尚雜誌嘅訪問，由於近年成了紅人，夢實嘅性感照大減，希望佢咪將身材收收埋埋，大家都好期待佢嘅變幻球再現江湖。
簡介：裏面收錄晒夢實自出道以來嘅攝影作品，近期全是時裝或者婚紗照，要睇佢嘅性感照，就要翻前少少，相信唔會令你失望。
網址：www.moko.cc/kingdreams
出生地：北京
三圍：33-26-35
身高：166cm
撰文：龍四海