先恭喜Nicole Aniston獲選為2013 Penthouse Pet of the Year，能夠喺眾多美女中脫穎而出，攞到咁權威性嘅獎項，仲做埋美國版《Penthouse》封面女郎，你都咪話唔架勢堂呀！老老實實，阿妹攞獎對佢嚟講實則幫助唔大，同時喺專訪中佢更親口承認今年會獨家簽畀Penthouse拍四仔，本來對大眾嚟講絕非好事，但當事人就承諾，嚟緊會拍多啲主流四仔，即係正常男女性愛嘅片種，增加個人自摸演出及拍多啲寫真，換句話講減少玩重口味演出，做番索女取悅觀眾都係好事嚟嘅！
最公正頒獎禮？
美國AVN四仔頒獎禮啱啱先落幕，點知同期坊間就有個網上頒獎禮打對台，今次咁唔畀面嘅正係一個叫Xcritic成人網站，主要做網上四仔銷售及影評，亦有脫星最新動向及專訪，據聞有超過10萬名活躍會員，喺美國四仔界都有啲影響力。至於今次「XCritic Fan Choice Awards」則係首次舉辦，而且聲稱比業界任何頒獎禮都嚟得公平、公正同公開喎！每位投票網友嘅結果都會顯示喺圖表上以示公正，結果已公布喺網站內，雖然勝出嘅脫星或作品唔會獲得任何獎金獎品，但四仔迷用嚟做個參考都無妨吖！