每年嘅乜乜小姐、物物小姐選舉都有人歡喜有人愁，喜嘅當然係成功當選嘅佳麗，而愁嘅就係落選者。不過，落選都唔緊要，因為仲有好多出路，而且仲有機會將知名度提高到超越當選者，方法就係拍脫戲喇！最近日本眾議院選舉，落選者亦被傳下海拍AV。據講，有萬人迷之稱嘅32歲女議員田中美繪子被AV公司利誘下海，如果拍本番演出嘅片酬係1億日圓、拍軟性AV就有5千萬日圓，如果只係拍裸體寫真則有2千萬日圓，睇嚟AV界出手都幾重喎。但係，成事機會有幾高呢？其實田中美繪子曾被揭發拍過艷照，更曾經客串拍電影，並且有露胸鏡頭，即係話美繪子唔係第一次剝衫演出，下海拍AV嘅成數應該唔低。