最近內地網上流傳一個封號，叫做「第一乳神」，聽落都幾猛，擁有此封號嘅靚女，胸部一定特別發達，令人有窒息嘅感覺。大家咪以為吹水，原來真有其人，就係嚟自上海嘅張優。
張優係上海嘅著名藝人，07年已經跟大導陳可辛合作，喺《投名狀》內飾演一名小村民，所以李連杰同劉德華呢啲巨星，佢細細個就已經同佢哋合作過，但張優一直冇自誇自滿，反而更努力讀書，畢業後至全職投身演藝工作，2010年再次客串電影《戀愛通告》。雖然兩次嘅演出冇畀佢一鳴驚人嘅機會，但令佢更懂得做好本分嘅重要。到咗2011年喺China Joy內，張優終於擁有自己嘅舞台，以性感騷女郎贏得全場來賓視線，一炮而紅，隨即接拍多個廣告同代言工作，更參與舞台劇同綜藝節目嘅演出，人氣急升嘅張優，成為上海炙手可熱嘅新人。
張優能夠走紅，除咗懂得把握機會之外，亦好懂得利用優勢。阿妹個子不算高，但就將裙仔有咁短改咁短，令雙腿變得修長，最大本錢係佢擁有一對35吋F級嘅巨乳，當着上騷女郎嘅制服，一對巨乳呼之欲出，吸引唔少途人圍觀，展覽會一完，就有電玩代言工作搵上門，自此張優以性感形象示人，接拍唔少平面廣告同雜誌硬照。最近喺「末日」前夕，張優更真空上陣拍咗輯照片，話希望網友們可以永遠記得佢喎！以「第一乳神」嘅實力，粉絲們又點會忘記你呢！
網站內嘅性感照，一輯接一輯，而且唔少仲係大頭相，將胸部完全湊近鏡頭，性感度攞足一百分，其他彩照，亦係不容忽視。
網址：www.moko.cc/zhangyou
出生地：上海
三圍：35F-24-35
身高：162cm
撰文：龍四海