隨住女人喺社會嘅地位日益提高，知識水平亦隨之上升。另一方面，好多女性喺運動方面亦不比男士遜色，更有不少女仔能文又能武。邊個咁厲害？咪就係日本水着女優山本梓囉！
小弟曾幾何時都係一名運動發燒友，籃球、足球、排球同羽毛球一律鍾意。記得有一日，小弟同班兄弟去維園打籃球，打打吓居然有班女仔埋嚟挑機。大家切磋期間，小弟發現佢哋除咗身材一流，球技亦一樣咁堅，令我不禁對佢哋另眼相看。而運動女健將喺日本水着界亦有唔少，山本梓就係其中一位。今年已經31歲嘅山本梓，出道拍寫真已經有十年以上。當初，阿妹其實係參加第七次全日本國民的美少女競賽，但係落選收場。然而，佢嘅參與令自己得到被發掘嘅機會，成功成為模特兒，之後再拍埋水着寫真。經過咁多年嘅發展，阿妹佢嘅青春味稍減，但係依然親切，再加上泛起輕熟女人味，感覺又係另一番美艷。另外，阿妹嘅32D-22-33美妙胴體更Fit更結實，線條美出眾，邊個話女人三十爛茶渣o架？
山本梓之所以有咁好嘅身段，原因有好多，但係我相信最大原因係佢已經練習芭蕾舞達十八年之久，身體郁動得多，自然好身材啦。除咗習舞，亦鍾意游水、踢波，絕對係運動健將。而阿妹嘅腳力之強，仲幫佢戰勝巨人！2002年除夕晚，山本梓上到一個電視節目，一個叫做足相撲嘅比賽，即係兩個參賽者坐低，大家只係膝頭貼膝頭，將對方嘅膝頭壓落地面再數十聲就算贏。阿妹當日嘅對手就係身高逾六呎嘅知名格鬥家安東尼奧豬木，而阿妹居然能夠戰勝對手，可見阿妹腳力十足。此事之後，有人睇中阿妹嘅戰鬥力，於是邀請佢拍攝《忍風戰隊》、《特搜戰隊》以及《轟轟戰隊》等特撮劇集，畀佢更多表演機會。能武嘅山本梓亦能文，因為佢唔單只係鋼琴好手，仲講得一口流利英文，據聞仲曾經喺英語演講比賽獲過獎添。
山本梓係愛狗之人，博客除咗成日上載最新個人消息，仲有好多愛犬嘅玉照，愛狗又愛美女嘅人士Click上去一定啱睇。
網址：http://ameblo.jp/azusayamamoto/
年齡：31歲
身高：5呎3吋
三圍：32D-22-33
撰文：賢