渡海濠情：禮物名貴 曳曳更徹底
今日聖誕節，喺度祝願大家聖誕快樂、萬事如意，大家尋晚平安夜過得暢快呢！一於食住上，開心咪畀佢停！就好似嚟自9號會所嘅靚女樂樂，都話今日至係戲肉喎！
徹夜回報
樂樂話：「尋晚平安夜要陪我嘅至愛，所以其他二、三號至愛，甚至啲冇咁愛嘅男友，就會喺今日同佢哋見面，我電話記錄低嘅約會就多達十個，每人畀佢哋兩個鐘，今日真係唔使瞓。」一日見十個男朋友，點見呀？樂樂話：「我頭先都講，將佢哋分晒等級，愈高級嘅畀嘅時間愈多，如果啲冇咁愛嘅，只約出嚟見見面，收收禮物，至於三號至愛，就會坐低飲杯嘢囉！而二號至愛就可以同我食餐飯，更擁有今晚12點後至天光嘅寶貴時光。」即係樂樂今日最少都可收到十份聖誕禮物啦！咁係乜禮物呀？
臨時加碼
樂樂話：「我嘅至愛送咗兩萬多元嘅名貴手錶，至於二號至愛就送咗新款名牌包包，價值八千幾，至於三號至愛，送幾千蚊嘅禮物，咪坐低飲杯嘢，見見面算數囉！」屈指一算，樂樂過一個聖誕，收幾萬蚊禮物，真係唔講得笑，如果至愛臨時加碼，咁會點呢？樂樂話：「好似舊年有個三號至愛，送幾千蚊化妝品，我咪只同佢飲杯嘢算數！點知佢話訂晒房食聖誕餐，我起初不為所動，直至佢話加送一萬元大利是，我即刻推咗二號至愛由佢頂上。」真係服晒樂樂啦！
樂樂Profile
年齡：20歲
三圍：34-23-34
撰文：小德
攝影：阿昌