每個人兒時總有夢想，有人夢想做飛機師，亦有人夢想做明星，而Maryse Ouellet亦係如此。不過同好多人一樣，長大後嘅Maryse並冇如願做空姐，而係走上擂台打摔角，從空姐到打擂台，世事就係咁難以預料。
美國最出名嘅運動除咗美式足球、籃球同棒球外，摔角亦係人氣相當高嘅運動之一，當中更有專為索女而設嘅WWE Divas摔角賽。身穿性感比堅尼戰衣嘅女摔角手，使出同男性摔角手一樣嘅重撻、鎖技、飛踢等嘅搏擊技巧，名副其實拳拳到肉，如果冇番咁上下膽識，真係唔敢上去作賽。不過對樣靚身材正，今年29歲，出生於加拿大嘅索女Maryse嚟講，打擂台可以為佢帶嚟血脈沸騰嘅戰鬥，同埋萬眾矚目嘅感覺，相當有滿足感，因此喺06年受WWE Diva邀請時，即刻答應加入聯賽，並分別喺08同10年得到摔角冠軍，絕對係打得又睇得！
唔講唔知，Maryse兒時嘅夢想並唔係打擂台，而係想做空姐或時裝模特兒，為咗達成目標，喺03年時Maryse就參加咗加拿大熱帶夏威夷小姐選美比賽，並成功摘下桂冠。既然Maryse夢想做空姐或模特兒，點解又會走去打擂台呢？Maryse解釋佢覺得自己唔單止得個樣，體內仲有其他潛能，為咗激發潛能，便決定走上擂台。雖然家陣Maryse已經係個家喻戶曉嘅索爆摔角手，但佢仍不忘喺擂台以外展現魅力，好似佢先後喺08年同10年參加美國泳衣小姐比賽等。最近Maryse又有新嘅動向，就係暫別擂台轉向時裝同首飾嘅製作工作。夢想其實唔係只得一個。
Maryse喺打擂台嘅同時，仲會幫成人雜誌影噴血寫真，而喺佢個官網度不但可以一次過睇晒，仲可以睇埋佢嘅日記添！想知道Maryse嘅最新動向，就要上去睇睇喇！網址：maryseouellet.org
Maryse又索又好揪，梗係多粉絲鍾意啦！雖然呢個只係粉絲自發搞嘅後援網站，但係Maryse卻經常上去留言同粉絲互動，睇得出佢真係個好體貼嘅靚女嚟。
網址：https://twitter.com/maryse0uellet
出生日期：1983年1月21日
身高：5呎8吋
三圍：36D、25、35
撰文：魂